අපි හැඟුම් වලට ඉඩදී මොහොතක් . . . . !!

"සුදු නංගි"

"හ්හ්ම්ම්"

"අපිට හැමදාම මෙහෙමම ඉන්න තියෙනවානම්"

"එපා මනු මේ ලස්සන වෙලාවේ නොකෙරෙන දේවල් ගැන කියන්න. මට තව ටික වෙලාවක් ඔයාගේ පපුවේ උනුසුමට ඔලුව තියාගෙන ඉන්න ඉඩ දෙන්න මේ විදිහටම"

"තව ටික වෙලාවක්. . .?"

"ඔව් තව ටික වෙලාවක්. . . !"

"ඊට පස්සේ ඔයා යනවා. . . ?"

"යන්න වෙනවා රත්තරං. . . "

"යන්නම යනවා . . .?"

"මම වෙන මොනා කරන්නද සුද්දයියා . . ? දෙයියනේ මට ඒ දේ නොකර මැරෙන්න තියෙනවානම් . . . !"

"ඔයා මැරෙන්න එපා සුදු නංගී . . . ජීවත් වෙන්න. . . මැරෙන්න ඕන කියන කොටස මට දෙන්න මම කරන්නම්"

"අනේ . . ඔයාගේ අම්මගේ හිතට ගින්දරක් දෙන්න එපා සුද්දයියේ . . . පව් !"

"ඔයා යන්නම ගියාට පස්සේ මම කොහොමත් කඳට විතරක් පන තියෙන ආත්මය මැරුනු කෙනෙක් සුදු නංගී . . ඒ ආත්මයට ආයේ කවදාවත් පන එන්නේ නෑ "

"මේ ආත්මයේ මට ඔයාව මගේ ම කරගන්න බැරි උනත් මතු හැම ආත්මෙකම ඔයා මගේ ම වෙනවා නේද රත්තරං . . . "

"ඔව් සුද්දයියා සංසාරේ හැමදාම "

"යන්න කලින් එක පාරක් . . එකම එක පාරක් අර ඉස්සර හිනා වුනා වගේ මගේ ඇස් දෙකට එබිලා හිනා වෙන්න සුදු නංගි . . . එකම එක පාරක්"

"අනේ දෙයියනේ . . . ඔය අත් දෙකෙන්ම මගේ බෙල්ල හිර කරලා මරන්න මනු . . . මට ඔයාව දාලා යන්න දෙන්න එපා රත්තරං . . . ! ! "

. . . .

අපි හැඟුම් වලට ඉඩදී මොහොතක්

අපි හැඟුම් වලට ඉඩදී මොහොතක්
ඉඩ ලබා ගනිමු තරමින් වියතක් . . . //
හඳ පානේ මඳ අඳුරේ
අත් පටලා යමු ආයේ . . . . . . //

. . . . .

ඔබ ඔබෙ සෙවනැල්ලෙන් මිදී
මම මගේ සෙවනැල්ලෙන් මිදී . . //
අවුදින් හෙමින් රහසින් මුමුනා
හඳ පා . . නේ . . . මඳ අඳුරේ . . .

හඳ පානේ මඳ අඳුරේ
අත් පටලා යමු ආයේ . . .

. . ..

හිරකර හසරැල්ලෙන් හැඬුම්
අපි හිනැහෙමු සපුරා පැතුම් . . . //
මතු ආත්මයේ හමුවෙන පැතුමින්
යමු වෙන්වී හිමිදිරියේ .

හඳ පානේ මඳ අඳුරේ
අත් පටලා යමු ආයේ . . . . ///

. . . . .

ගායනය : වික්ටර් රත්නායක මහතා

මේ හද සසල කරන ශෝකී ගීතය අහන්න මෙන්න මෙතනින් යන්න

මේක මගේ ආසම ගීයක්.

කවුරු හරි හොයලා කියන්න පුළුවන්ද මේ ගීතයේ පද රචනයයි, සංගීත නිර්මාණයයි කාගෙද කියලා. ලොකු උදව්වක්