බල්ලෝ සමඟ නිදා ගැනීම හා මැක්කෝ සමඟ නැගිටීම !

"මනු, උඹ අද උඹේ ෂොප් එක පැත්තේ එනවාද?"

"ඇයි මචං. එන්න ඕන. මොකද සීන් එක ෂොප් එකේ ප්‍රශ්නයක්ද?"

"නෑ නෑ එහෙම එකක් නෙමෙයි. මගේ යාලුවෙකුගෙන් කරදරේ උඹව මීට් වෙන්න ඕන කියලා"

"ඒ මොනාටද විසල්, කචල් කේස් එකක්ද ?"

"උඹ වරෙන්කෝ ආවහම කියන්නම් "

. . . . .. . . .. .

"මචං මේ චන්දන, අපේ ගෙවල් ගාව කොල්ලෙක්"

"හලෝ මල්ලී"

"හරිම සතුටුයි ඔයා එක්ක කතා කරන්න ලැබුනට මිස්ටර් මනු"

"දැං මොකටද මාව මීට් වෙන්න හිටියේ."

"අනේ මචං මෙයා දන්නවා උබට ගොඩක් කන්ටෑක්ස් තියෙනවා කියලා, ඒක නිසා මුගෙන් හරි කරදරේ උඹට කියලා මොනා හරි ජොබ් එකක් සෙට් කරලා දෙන්න කියලා."

"කොච්චර දුරට ඉගෙන ගෙන තියෙනවාද මල්ලී"

"මම O/L වෙනකම් ඉගෙන ගත්තා මිස්ටර් මනු"

"එච්චරද"

"ඔව් බං, මූ ගෙදරින් සල්ලි උස්සලා කොල්ලෝ එක්ක කට්ටි පැන්න මිසක් වෙන කිසි දෙයක් ඉගෙන ගත්තේ නෑ. හැබැයි මූට ඉංග්ලිශ් ටිකක් පුලුවන්"

"ම් ම් ම් ක්‍රෙස්කැට් එකේයි, එම්.සී එකෙයි ෂොප්ස් තියෙන මගේ යාලුවෝ කීප දෙනෙක් ඉන්නවා. මම උන්ට කතා කරලා බලනන්ම්"

"අනේ ඒ වගේ තැනක අතුගාන්න හරි කමක් නෑ මිස්ටර් මනු මට රස්සාවක් හොයලා දෙන්න. අක්කටයි නංගිටයි ඉගෙන ගන්න උදව් කරන්න ඕන මට. ලොකු පිනක් මොනා හරි ජොබ් එකක් හොයලා දුන්නොත්."

"මට ඔය මිස්ටර් කෑල්ල ඕන නෑ. මනු කියන්න නැත්නම් මචං කියන්න ඒත් බැරි නම් අයියා කියන්න."

"හරි මනු අයියා"

. . . . .. . . . .. . . .. . . ..

"අවිනාෂ්. අර මම කියපු පනිවිඩේ ගැන මොකෝ කියන්නේ."

"මොන වැඩේද බං"

"අර මම කියපු කොල්ලාට උඹේ ෂොප් එකේ ජොබ් එක දෙන වැඩේ බං"

"මචං මෙහෙමයි. මම මැනේජ් කලාට තාත්තගේ බිස්නස් එකනේ බන්. අපි සේල්ස් වලට කවුරුහරි ගන්න කොට 50,000ක බොන්ඩ් එකක් ගන්නවා මචං. ඒක අපේ පොලිසි එක"

"ආ ඒකට කමක් නෑ අවි"

"ඒ වුනාට උඹ කියපු විදිහට ඌට 50,000ක් දෙන්න සල්ලි නෑ නේද?"

"ඌ අක්කටයි නංගිටයි උගන්වන්න ලුනේ බං ජොබක් හොයන්නේ. අපි ක්ලබින් ගිහින් කොච්චර නාස්ති කරනවාද. එහෙව් එකේ මේ 50,000 මම දෙන්නම් මචං. පිංඅතේ වැඩක් නේ."

"උඹට ෂුවර් ද මේකා කව්ද කියලාවත්? නරකද පොඩ්ඩක් හොයලා බැලුවොත් 50,000 ක් දීලා ජොබක් දෙන්න කලින්"

"මගේ ෂොප් එක තියෙන බිල්ඩිං එක අයිතිකාරයාගේ යාලුවෙක් බං. ඌ හොඳ එකෙක් වෙන්න අති"

. . . .. . . .. . . . .. . .. . .. .

ට්‍රීක් ටිරික් ට්‍රීක් . . . ට්‍රීක් ටිරික් ට්‍රීක්

"ඔව් අවිනාෂ් කියන්න"

"මනු උඹ අද හවස ෆ්‍රී ද? මට උඹට ටිකක් කතා කරන්න ඕන."

"මොකෝ හදිස්සිය"

"හදිස්සියක් ම නෑ නැත්තෙත් නෑ "

"හරි එහෙනම්, අද රෑට ග්‍රීන්ලන්ඩ්ස් යමුද?? කාලෙකින් ඉංඩියන් කෑමක් කෑවේ නෑ"

"හරි එහෙනම් සෙවෙන් තර්ටි, ග්‍රීන්ලන්ඩ්ස් ඕකේ.?"

"see yaa . . "

. . . . . . . . . . . . . . . . . . . .

"මචං අරූ උඹේ හෙන ෆිට් එකක් ද දැං?"

"කවුද?

"අර උඹ මගේ ෂොප් එකට වැඩට දාපු එකා"

"නෑ එහෙම ෆිට් එකක් නෑ."

"දැං ඌ මාස 6කට වඩා වැඩ කලානේ, ඌ උඹේ අර 50,000 දුන්නාද?"

"නෑ මචං. දෙපාරක් විතර කිව්වා අක්කගේ එග්සෑම් වලට සල්ලි දෙන්න වුනු නිසා පස්සේ දෙන්නම් කියලා. මමත් ඒක ගැන වැඩිය හිතුවේ නෑ. ඇයි"

"ඌ මචං අක්කලට ඉගෙන ගන්න වියදම් කරන පාටක් නෑ. මේ මාස ගානට හම්බු කරපුව වගේ දෙගුනෙකටත් වැඩිය ඌ ඇඳුම්, සපත්තු, සංග්ලස් වලට වියදම් කරලා තියෙනවා. අපි වත් ඔහොම වියදම් කරන්නේ නෑ බන්"

"පවුනේ බන්, තරුණ වයසනේ, ලස්සනට අඳින්න කවුරුත් ආසයිනේ බං."

"ඒ වුනත් ලැබෙන ගාන මැනේජ් කර ගන්න දැනගන්න එපැයි. ඌ මගේ කොල්ලෝ කීප දෙනෙක්ගෙන්ම නයටත් අරගෙන තියෙනවා හෙන ගානක්"

"අහ් ඒක නම් හරි නෑ තමයි"

"අනික ඌ නිකම් කතා කරන්නේ උඹ උගේ හෙන බොක්ක ක් වගේළු. උඹත් එක්ක නයිට් කල්බ් හිටන් බහිනව කියලා මගේ කොල්ලන්ට කියලා"

"මම වගේ චාටර් පොරවලුත් ඌට පොරවල් වගේ දැනෙනවා ඇති මචං. මම විසල්ලගේ සෙට් එකත් එක්ක සෙට් වෙච්ච වෙලාවක මූ බලෙන්ම ඇවිත් ප්ලුග් වුනා එක පාරක් නම්. ඌ හිතන්න ඇති මගේ යාලුවෙක් කිව්වම ඌට උඹේ කොල්ලෝ වැඩිපුර සලකයි කියලා"

"ඔව් ඔව් මගේ කොල්ලෝ ඌට සලකන්න තම්යි ඉන්නේ වෙලාවක"

"ඒ මොකෝ"

"උඹ දන්නවනේ මගේ ෂොප් එකේ කොල්ලේ උඹට හෙන ආදරෙයි කියලා. උඹ උන් හැම එකා එක්කම හොඳින් කතා බහ කරනවා. උන්ගේ මොනා හරි ප්‍රශ්නයක් තිබ්බත් උන් ගැන කතා කරවා කියලා උන් දන්නවා"

"ඔව් මම දනන්වා උන් මට ආදරෙයි කියලා"

"අරූ උඹ ගැන මොනා හරි අප්සට් කතා වගයක් කියලා මගේ කොල්ලන්ට"

"මුගේ අම්!@#$%^ . . ඒ මොනාද?"

"නෑ නෑ උඹ කලබල වෙන්න එපා. උඹේ පොඩි අයියාගේ ෆියැන්සේ කලින් කොල්ලෝ දෙන්නෙක් එක්ක යාලු වෙලා හිටියලු, උඹේ සුදු නංගිගේ සීන් එකට ගෙදරින් කැමති නැත්තේ උඹල පහතරට කට්ටිය නිසාලු . . ඔන්න ඔය වගේ අර ගම් වල ගෑනු කියන ජාතියේ ගොං කතා වගයක් කියලා"

"ෂිහ් උඹේ ෂොප් එකේ කොල්ලෝ මොනා හිතනවද දන්නේ නෑ"

"අපෝ මගේ කොල්ලෝ ඌ වගේ ගං කබරයෝ නෙමෙයි. ගම් වලින් ආව උන් වුනත් යමක් කමක් තේරෙන උගත් කොල්ලෝ. උන්ට මල පැනලා අරූට නෙලන්න ඉන්නේ වෙලාවක් කට්ටියම"

"එහෙම කරන්න දෙන්න එපා බං. පවුනේ මොනා වුනත්. මෝඩ කමනේ"

"මොකෝ කියන්නේ මනු, මම ඌව ජොබ් එකෙන් අයින් කරන්නද??"

"අනේ එහෙම කරන්න එපා බං. ඌ ඇඳලා කරලා තව ශෝ එක වුනත් දාන්නේ ජොබ් එක නිසානේ, ඌට උගේ ආතල් එක ගන්න දීපන් බං. ඌ මොනා කිවත් මට මොකෝ.

"උඹ දන්නවාද මනු. ඕකට කියන්නේ බල්ලොත් එක්ක නිදා ගත්තාම නැගිටින්න වෙන්නේ මැක්කොත් එක්ක කියලා"

"හ්හ්හ්ම්ම්ම්ම්"